चंद्रपूर आणि गडचिरोली जिल्हे आता औद्योगिक विकासाचे नवे केंद्र म्हणून उभे राहत आहेत. खनिज निधीतून आरोग्य, शिक्षण, रोजगार आणि पर्यावरणपूरक प्रकल्पांची अंमलबजावणी करून हे जिल्हे ‘इंडस्ट्रियल मॅग्नेट’ बनत आहेत.
मूल येथील भव्य समारंभात, जिल्हा खनिज प्रतिष्ठानच्या वतीने साकारलेल्या कॉफी टेबल बुकचे अनावरण झाले. ज्याने चंद्रपूरच्या खनिज संपदेच्या गौरवशाली कहाणीला नवे पान जोडले. या सोहळ्याने जिल्ह्याच्या विकासाच्या नव्या क्षितिजांना उजागर केले. जिथे प्रगती आणि समृद्धीचे रंग एकमेकांत मिसळले. खनिज विकास निधीच्या माध्यमातून राबवले जाणारे उपक्रम चंद्रपूर आणि गडचिरोलीच्या सामाजिक ताण्यांना बळकटी देत आहेत. टाटा ट्रस्टच्या सहकार्याने कॅन्सर हॉस्पिटल, कौशल्याधारित रोजगार, आरोग्य सुधारणा, पायाभूत सुविधांचा विकास, शिक्षण आणि पर्यावरणपूरक नाविन्यपूर्ण प्रकल्प यांनी या भागाला नवसंजीवनी मिळाली आहे. या सर्वांनी मिळून स्थानिक जीवनमानाला आधुनिकतेचा स्पर्श देत एका नव्या युगाची सुरुवात केली आहे.
पंतप्रधान नरेंद्र मोदी यांच्या संकल्पनेनुसार, खनिज उत्खनन क्षेत्रातील नागरिकांना निधीचा थेट लाभ मिळावा, यावर जोर दिला गेला आहे. चंद्रपूरने रोजगार निर्मिती, आरोग्य, शिक्षण आणि कौशल्य विकासाच्या क्षेत्रात प्रभावी पावले उचलली आहे. पर्यावरण संतुलन राखत औद्योगिक विकासाला चालना दिली आहे. वृक्षलागवडीच्या माध्यमातून महाराष्ट्राने देशात ‘ग्रीन कव्हर’ वाढवले आहे. आता 33 टक्क्यांहून अधिक वनक्षेत्र निर्माण करण्याचे लक्ष्य ठेवले आहे. चंद्रपूर आणि गडचिरोली हे जिल्हे औद्योगिक केंद्र म्हणून उदयास येत असून, येथे दीड लाख रोजगार निर्माण होण्याची शक्यता आहे. ज्यामुळे स्थानिक अर्थव्यवस्थेला नवी गती मिळेल.
Vidarbha Connectivity : अकोला मार्गे ‘अमृत भारत एक्सप्रेस’ची धाव
औद्योगिक ज्योतीचा उदय
चंद्रपूर आणि गडचिरोली हे खनिज संपदेच्या वैभवाने नटलेले जिल्हे आता इंडस्ट्रियल मॅग्नेट म्हणून चमकत आहेत. खनिज विकास निधीने कॅन्सर हॉस्पिटल, कौशल्य प्रशिक्षण आणि पायाभूत सुविधांचा विकास यांसारखे प्रकल्प साकारले, ज्यांनी स्थानिकांना नव्या संधी उपलब्ध करून दिल्या. या उपक्रमांनी युवकांना रोजगाराच्या संधी देत सामाजिक उत्थानाला हातभार लावला आहे. पर्यावरण संतुलन राखत औद्योगिकीकरणाचा पाठपुरावा करणाऱ्या चंद्रपूरने देशाला एक आदर्श मार्ग दाखवला आहे.
वृक्षलागवडीच्या मोहिमेने हरित पट्ट्यांचा विस्तार केला असून, वनक्षेत्र वाढवण्याचे प्रयत्न तीव्र झाले आहेत. स्थानिकांना 100 टक्के रोजगार मिळावा यासाठी विशेष योजना आखल्या गेल्या आहेत. ज्यामुळे गडचिरोलीसारख्या नक्षलग्रस्त भागात शांतता आणि समृद्धी नांदेल. या औद्योगिक विकासाने दीड लाख रोजगार निर्माण होणार असून, स्थानिक अर्थव्यवस्थेला बळकटी मिळेल. शिक्षण आणि कौशल्य विकासाच्या उपक्रमांनी युवकांना सक्षम बनवले आहे, तर आरोग्य सुविधांनी जीवनमान उंचावले आहे. चंद्रपूर आणि गडचिरोली येथील हा विकास देशाच्या नकाशावर एक नवे चमकणारे तारे उभे करेल. ज्यामुळे महाराष्ट्राच्या प्रगतीला नवे पंख मिळतील.
