राज्यात स्थानिक स्वराज्य संस्थांच्या निवडणुकीच्या पार्श्वभूमीवर पक्षांतराची मालिका सुरू असून अनेक नेते एका पक्षातून दुसऱ्या पक्षात उडी घेत आहेत.
राज्यात स्थानिक स्वराज्य संस्थांच्या निवडणुकीचा धुमधडाका सुरू आहे. प्रभाग रचना ते आरक्षण सोडतीपर्यंत सर्व काही जाहीर झाले असून, निवडणुकीच्या तयारीला आता आणखी वेग आला आहे. या पार्श्वभूमीवर पक्षांतराची मालिका थांबता थांबत नाही. एका पक्षातून दुसऱ्या पक्षात कार्यकर्ते उड्या मारताना दिसत आहेत. ज्यामुळे निवडणुकीचे रंग आणखी गडद होताना दिसत आहेत. अशा वेळी मृद व जलसंधारण मंत्री तथा यवतमाळ जिल्ह्याचे पालकमंत्री संजय राठोड यांच्या उपस्थितीत यवतमाळमध्ये एक मोठा राजकीय सोहळा पार पडला. या सोहळ्यात विविध पक्षांच्या अनेक नेत्यांनी आणि कार्यकर्त्यांनी शिवसेना एकनाथ शिंदे गटामध्ये प्रवेश केला.
महाराष्ट्राचे उपमुख्यमंत्री तथा शिवसेना प्रमुख एकनाथ शिंदे यांच्या कुशल नेतृत्वावर विश्वास दाखवत, जिल्ह्यातील अनेक पदाधिकारी आणि कार्यकर्ते शिवसेनेत दाखल झाले. पक्षप्रवेश करणाऱ्या या नव्या सदस्यांचे स्वागत करताना, पालकमंत्री राठोड यांनी त्यांना पुढील राजकीय वाटचालीसाठी शुभेच्छा दिल्या. या प्रवेशामुळे यवतमाळ जिल्ह्यात शिवसेनेची ताकद आणखी बळकट होईल, असा विश्वास त्यांनी व्यक्त केला. या सोहळ्यात शिवसेना पश्चिम विदर्भ समन्वयक पराग पिंगळे, जिल्हा संपर्कप्रमुख हरिहर लिंगनवार, श्रीधर मोहोड, जिल्हाप्रमुख यशवंत पवार, गजानन डोमाळे, मोहन नाईक, उत्तम राठोड, तुळशीराम जाधव, गोकुळ राठोड यांच्यासह उपजिल्हाप्रमुख, शहरप्रमुख, तालुकाप्रमुख आणि युवासेना पदाधिकारी मोठ्या संख्येने उपस्थित होते.
Ravikant Tupkar : शहांमुळे गाजले सहकार, पण शेतकऱ्यांचे दुःख कोण ऐकणार?
पक्षप्रवेशातून वाढले संघटन
संपूर्ण सोहळा राजकीयदृष्ट्या महत्त्वाचा ठरला असून, स्थानिक निवडणुकीत शिवसेनेच्या बाजूने वातावरण तयार होत असल्याचे दिसते. या पक्षप्रवेश सोहळ्यात विविध गावांतील कार्यकर्त्यांनी शिवसेनेत प्रवेश केला. घामापूर गावातील प्रमुख कार्यकर्त्यांमध्ये रवी जाधव, शालिग्राम राठोड, दत्ता नाईक, नर्सिंग राठोड, संतोष जाधव, जयराज जाधव, जयंता चव्हाण, बाळू जाधव, लवकुश जाधव, प्रकाश जाधव, लहू चव्हाण आणि गोला पवार, तुळशीराम जाधव, दिगंबर जाधव, नारायण जाधव, तुळशीराम राठोड, ज्ञानेश्वर जाधव, दत्ता जाधव, सुभाष जाधव, सुरेश जाधव, संतोष जाधव, केशर जाधव, दत्ता राठोड, चरण राठोड यांचा समावेश आहे.
कार्यकर्ते पूर्वी इतर पक्षांशी निगडित होते, पण आता शिंदे गटाच्या नेतृत्वाखाली काम करण्यास उत्सुक आहेत. सोबतच भवानी, मोखंडी, कुरडी, पिंपळवाडी, चिखली वन या गावातील देखील अनेक कार्यकर्त्यांनी शिवसेनेत प्रवेश केला आहे. हा पक्षप्रवेश सोहळा केवळ संख्या वाढवण्यापुरता नव्हता, तर जिल्ह्यातील राजकीय वातावरणात शिवसेनेची मजबूत पकड दाखवण्याचा होता. एकनाथ शिंदे यांच्या नेतृत्वाखाली शिवसेना आता अधिक आक्रमक आणि संघटित दिसत आहे. स्थानिक निवडणुकीत हे नवे सदस्य कशी भूमिका बजावतील, याकडे सर्वांचे लक्ष लागले आहे. यवतमाळ जिल्ह्यातील हे बदल राजकीय इतिहासात एक महत्त्वाची नोंद ठरू शकतात, ज्यामुळे इतर पक्षांना आव्हान मिळू शकते.
CJI Bhushan Gawai : सरन्यायाधीशांवर बूट फेकून हल्ल्याचा प्रयत्न
