पूर्व विदर्भातील अत्यंत महत्वाच्या भंडारा जिल्ह्यात राजकीय समीकरणं बदलताना दिसत आहे. भाजपचं वटवृक्ष असलेल्या या जिल्ह्यात काँग्रेस पुढं दिसून येत आहे.
भंडारा जिल्हा आणि भाजप या एकाच नाण्याच्या दोन बाजू आहे, असं म्हटलं तरी अतिशयोक्ती ठरणार नाही. पण भाजपचं वटवृक्ष असलेल्या या जिल्ह्यात जयश्री या वियश्री खेचून आणणार की काय, असं चित्र तयार झालं आहे. भंडारा नगर परिषदेची निवडणूक सध्या होत आहे. या निवडणुकीत काँग्रेसकडून जयश्री बोरकर या मैदानात उतरल्या आहेत. त्यांना शिवसेनेच्या अश्विनी भोंडेकर या टक्कर देत आहेत. भाजपकडून मधुरा मदनकर या देखील मैदानात आहेत. परंतु लोकसभा आणि विधानसभा निवडणुकीचं गणित पाहिलं तर येथे काँग्रेस सर्वांना ‘ओव्हरटेक’ करणार तर नाही ना, असं दिसत आहे.
काँग्रेसच्या जयश्री बोरकर यांनी लोकसभा निवडणुकीत प्रशांत पडोळे यांना सर्वाधिक मतं मिळवून दिली. त्यांचं प्राबल्य असलेल्या प्रत्येक भागातील आकडेवारी पाहिली तर पडोळे यांना किती मतदान झालं हे स्पष्ट होतं. काँग्रेसचे माजी प्रदेशाध्यक्ष आमदार नाना पटोले यांच्या देखील जयश्री बोरकर या नीकटवर्तीय आहे. यापेक्षाही महत्वाचं म्हणजे बोरकर यांचा असलेला ‘ग्राऊंड कनेक्ट’ बोरकर या गेल्या अनेक वर्षांपासून राजकारणात सक्रिय आहेत. स्थानिक स्वराज्य संस्थेच्या बाबत त्यांना खडान् खडा माहिती आहे. प्रत्येक प्रभाचा अभ्यास त्यांच्याजवळ आहे.
गणितं तयार
जयश्री बोरकर यांनी लोकसभा निवडणुकीत काँग्रेसचा आघाडी मिळवून दिली. त्यामुळं भंडारा शहरातील कोणत्या प्रभागात कोणतं समीकरण आहे, हे त्यांना ठाऊक असल्याचं त्यावेळी दिसून आलं. निवडणूक नसतानाही त्यांनी आपला जनसंपर्क कायम ठेवला होता. काँग्रेसनं या सर्व मुद्द्यांचा विचार केला. अकोला पश्चिम विधानसभा मतदारसंघाच्या निवडणुकीज साजिद खान पठाण यांच्या नावाला चौफेर विरोध होता. परंतु तत्कालीन प्रदेशाध्यक्ष नाना पटोले यांनी ‘विनिंग कॅन्डीडेट’ म्हणून त्यांच्या नावाबद्दल शेवटपर्यंत आग्रही आणि आक्रमक भूमिका कायम ठेवली. हीच बाब जयश्री बोरकर यांच्याबाबत आहेत.
माजी प्रदेशाध्यक्ष पटोले यांच्या दृष्टीने बोरकर या ‘विनिंग कॅन्डीडेट’ आहेत. त्यामुळे पटोले यांची विशेष मर्जी त्यांच्यावर आहे. भंडारा शहरातील अनेक मतदान केंद्र असे आहेत जेथे प्रत्येक केंद्रावर बाराशेवर मतदार आहेत. त्यापैकी अनेक केंद्रांची आकडेवारी काँग्रेसनं तपासली. त्यात प्रशांत पडोळे यांना सर्वाधिक मतदान झाल्याचं दिसून आलं. त्यामुळं नगराध्यक्ष पदाच्या निवडणुकीसाठी बोरकर यांचं नाव निश्चित करण्यात आलं. भंडारा विधानसभा निवडणुकीतही काँग्रेसच्या पूजा ठवकर दुसऱ्या क्रमांकावर होत्या. विजयी उमेदवारी नरेंद्र भोंडेकर यांना 1 लाख 27 हजार 884 मतदान झाले. ठवकर यांना 89 हजार 517 मतं
मिळाली. मतदानातील हा फर 44 हजार 367 मतांचा होता. मात्र काँग्रेसच्या या मुसंडी मागे कुठे तरी जयश्री बोरकर या देखील होत्या. काँग्रेसने पूर्ण ताकदीनं भोंडेकर यांना टक्कर दिली. होती. त्यामुळं कुठे तरी काँग्रेसने बोरकर यांच्याबाबतीत या सगळ्या गोष्टींचा विचार केल्याचं दिसतं. आता नगराध्यक्ष पदाच्या निवडणुकीत या विजय पताका फडकावतील असा विश्वास काँग्रेसला आहे. त्यामुळे काँग्रेस सध्या त्यांना ‘जय’ मिळावा म्हणून ‘श्री’ चरणी प्रार्थना करीत आहे.
