मार्च 2025 मध्ये लागोपाठ सण येत आहेत. त्यामुळे विद्यार्थ्यांसाठी सुट्ट्यांच्या सपाटा लागणार आहे. त्यामुळे विद्यार्थ्यांना आनंद होत आहे, पालक मात्र चिंतेत आहेत.
मार्च 2025 हा शालेय विद्यार्थ्यांसाठी मोठा आनंदाचा महिना ठरणार आहे. परीक्षांचे टेन्शन सुरू असतानाच या महिन्यात विविध सणांच्या मुबलक सुट्ट्या विद्यार्थ्यांसाठी मोठा दिलासा ठरणार आहेत. होळीपासून गुढी पाडवा आणि ईद-उल-फितरपर्यंत सणांची मालिकाच जुळून आल्याने सलग सुट्ट्यांची रेलचेल पाहायला मिळणार आहे. त्यामुळे मार्च महिन्याला विद्यार्थ्यांसाठी “सणासुदीचा सुट्टी महिना” म्हणणे चुकीचे ठरणार नाही.
यंदा मार्च महिन्यात एका पाठोपाठ एक असे मोठे सण येत असल्याने सुट्ट्यांची झिम्मड लागणार आहे. 16 आणि 17 मार्च होळी व धुलिवंदन, गुढी पाडवा 30 मार्च, ईद-उल-फितर 31 मार्च किंवा 1 एप्रिल. याशिवाय काही शाळांमध्ये शनिवारी अर्धा दिवस असतो आणि रविवारी सुट्टी असते. त्यामुळे काही ठिकाणी सलग 3-4 दिवस शाळा बंद राहण्याची शक्यता आहे. काही शाळा आणि महाविद्यालये सलग सुट्ट्या जाहीर करण्याच्या विचारात आहेत.
Maharashtra Government : देवाभाऊंकडून अधिकाऱ्यांना खास गिफ्ट
अभ्यासक्रमाचे आव्हान
विद्यार्थ्यांसाठी या सुट्ट्या म्हणजे मोठा आनंद असला तरी शिक्षक आणि पालकांसाठी मात्र डोकेदुखी वाढू शकते. सलग सुट्ट्यांमुळे अभ्यासक्रमाचा वेग मंदावण्याची शक्यता आहे. परीक्षांचे वेळापत्रक आधीच आखलेले असल्याने वेळेत अभ्यासक्रम पूर्ण करण्याचे मोठे आव्हान शिक्षकांसमोर आहे.
सुट्ट्या वाढल्या म्हणजे मुलांचे अभ्यासात लक्ष राहणार नाही,” अशी प्रतिक्रिया अनेक पालक देत आहेत. काही पालकांचे सण साजरे करणे महत्त्वाचे असले तरी अभ्यासाचीही हानी होऊ नये, असे म्हणणे आहे. काही शाळांनी ऑनलाईन वर्ग किंवा अतिरिक्त शिकवणी तास घेण्याची शक्यता वर्तवली आहे.
Vijay Wadettiwar : अनाचाऱ्यांचे सरकार अन् मंत्र्यांचा भ्रष्टाचार
प्रशासनाची कसोटी
शिक्षण विभागाकडून लवकरच सुट्ट्यांबाबत अधिकृत निर्णय घेतला जाणार आहे. सणांचे महत्त्व लक्षात घेता सुट्ट्या आवश्यक असल्या तरी त्याचा अभ्यासावर परिणाम होणार नाही, यासाठी विविध पर्यायांचा विचार केला जात आहे. काही महत्त्वाचे निर्णय असे असू शकतात की, शाळा वेळ वाढवून अभ्यासक्रम पूर्ण करण्याचा प्रयत्न करू शकतात. काही शाळा सुट्ट्यांमध्ये ऑनलाइन क्लासेस घेऊ शकतात. गटाने अभ्यास करून परीक्षेची तयारी करण्यास प्रोत्साहन दिले जाऊ शकते.
विद्यार्थ्यांसाठी या सुट्ट्या म्हणजे सणांचा आनंद आणि धमाल मस्ती असणार आहे. पण शिक्षक, पालक आणि शालेय प्रशासनासाठी ही मोठी कसोटी ठरणार आहे. मार्च 2025 मध्ये सण, सुट्ट्या आणि शैक्षणिक नियोजन यांचा योग्य तो समतोल राखणे हे शिक्षण विभागासाठी मोठे आव्हान ठरणार आहे. त्यामुळे या सुट्ट्या विद्यार्थ्यांसाठी वरदान ठरणार की शिक्षणातील अडथळा? हे पाहणे उत्सुकतेचे ठरणार आहे.
