राज्यातील 247 नगरपालिका आणि 147 नगरपंचायतींमधील नगराध्यक्षपदाचे आरक्षण (Reservation) जाहीर करण्यात आले आहे.
विदर्भातील 20 ठिकाणी महिला राज येणार आहे. राज्यातील 33 नगरपरिषदांपैकी 17 नगरपरिषदांमध्ये अनुसूचित जातीच्या महिलांना आरक्षण जाहीर झाले आहे. याशिवाय 34 नगरपरिषदांमधील नगराध्यक्षपद हे ओबीसी महिला प्रवर्गासाठी आरक्षित झाले आहे. यामुळं राज्यात अनेक ठिकाणी महिला नगराध्यक्ष दिसणार आहेत.
महिला प्रवर्गासाठी आरक्षित असलेल्या संस्थांमध्ये देऊळगावराजा, तेल्हारा, वानाडोंगरी, घुग्गूस यांचा समावेश आहे. याशिवाय चिमूर, दिगडोहदेवी, दिग्रस येथेही महिला प्रवर्ग आरक्षण जाहीर झाले आहे. मोहोळ, ओझर, भुसावळ, शिर्डी, सावदा, मैनदर्गी, अकलूज, बीड आणि शिरोळचे आरक्षणही महिला प्रवर्गासाठी जाहीर झाले आहे. यवतमाळ जिल्ह्यातील वणी अनुसूचित जमाती प्रवर्गासाठी आरक्षित असेल. यवतमाळ येथेही हेच आरक्षण असेल. भडगाव (जळगाव), पिंपळनेर (धुळे), उमरी (नांदेड), शेंदूरजनघाट स्थानिक स्वराज्य संस्थेचे नगराध्यक्ष पदही अनुसूचित जमाती प्रवर्गासाठी राखीव असेल.
दहावर ठिकाणी ओबीसी
ओबीसी प्रवर्गातील महिलांसाठी देखील आरक्षण सोडत जाहीर करण्यात आली आहे. उमरेड, काटोल, मूल, देसाईगंज येथे ओबीसी महिला नगराध्यक्ष असेल. हिवरखेड, अकोट, मोर्शीसाठीही हेच आरक्षण निघालं आहे. नेर-नवाबपूर, बाळापूर, धामणगावरेल्वे, वरोरा येथेही ओबीसी समाजाच्या महिलेला प्रतिनिधीत्व मिळणार आहे. भगूर, इगतपुरी, सटाणा, विटा, बल्हारपूर, धाराशिव, भोकरदन, जुन्नर येथील आरक्षणही ओबीसी महिलांसाठी निघाले आहे. दौड, कुळगाव बदलापूर, हिंगोली, फुलगाव, मुरुड जंजीरा, शिरूर, माजलगावचे आरक्षणही ओबीसी महिला प्रवर्गासाठी निघाले आहे.
मालवण, औसा, कर्जत, देगलूर, चोपडा, दोंडाईचा वरवडे, रोहा, कुरडुवादीचे आरक्षणही ओबीसी महिला प्रवर्गासाठी जाहीर झाले आहे. सर्वोच्च न्यायालयाने (Supreme Court Of India) जानेवारी महिना संपण्याच्या आधी स्थानिक स्वराज्य संस्थांची निवडणूक घेण्याचे आदेश दिले आहेत. त्यानंतर प्रशासन वेगाने तयारीला लागले आहे. सोमवार, 6 ऑक्टोबर रोजी मंत्रालयातील सहाव्या मजल्यावरील परिषद सभागृह येथे मंत्री माधुरी मिसाळ यांच्या अध्यक्षतेखाली नगराध्यक्षपदाच्या आरक्षणाची सोडत काढण्यात आली. तिरोडा, वाशीम, मंगरूळपीर, कन्हान पिंपरी, रामटेक, मलकापूर (बुलढाणा), मोहपा, तुमसर, ब्रह्मपुरी, अचलपूर, पवनी, खामगाव, गडचिरोली, भंडारा, बुलढाणा येथील सोडतही जाहीर झाली आहे. येथे खुल्या प्रवर्गातील महिला राज येणार आहे.
IPS Archit Chandak : आधी घोषणांनी दिला प्रतिसाद, आता बॅनरने दिला गौरव
कारंजा, सावनेर, आर्वी, साकोली, कळंब, चांदूर रेल्वे, चांदूर बाजार, हिंगणघाट, सिंदी रेल्वे, लोणार, हदगाव, उदगीर, पाचोरा येथेही खुल्या प्रवर्गातील महिला नगराध्यक्ष असतील. नगराध्यक्ष पदाचे आरक्षण जाहीर झाल्यानंतर आता महापालिकांच्या महापौर पदासाठी असलेल्या आरक्षण सोडतीकडे सर्वांचे लक्ष लागले आहे. विदर्भात नागपूर, अमरावती, चंद्रपूर, अकोला या महापालिका सर्वांसाठी प्रतिष्ठेच्या आहेत.
