महाराष्ट्रात स्थानिक निवडणुकीच्या पार्श्वभूमीवर पक्षांतराची मालिका सातत्याने सुरू आहे. सध्या नेते उमेदवारी मिळावी यासाठी एका पक्षातून दुसऱ्या पक्षात उडी मारताना दिसत आहे.
महाराष्ट्राच्या राजकीय रंगमंचावर सध्या स्थानिक स्वराज्य संस्थांच्या निवडणुकीची रणधुमाळी जोरात सुरू आहे. प्रत्येक पक्ष आपली कंबर कसून, रणनिती आखण्यात मग्न आहे. प्रभाग रचना आणि आरक्षण सोडतीनंतर निवडणुकीच्या तयारीला कमालीचा वेग आला आहे. या सगळ्या धावपळीत पक्षांतराची मालिका देखील अव्याहतपणे सुरू आहे. विशेषत: पूर्व विदर्भात राजकीय समीकरणे झपाट्याने बदलत आहेत. याच पार्श्वभूमीवर, एकनाथ शिंदे यांच्या शिवसेनेला एकामागून एक धक्के बसत आहेत. गेल्या आठवड्यात शिंदे गटातील एका युवा प्रमुख नेत्याने भारतीय जनता पक्षात (भाजप) उडी घेतली. ज्यामुळे राजकीय वर्तुळात खळबळ उडाली आहे.
13 ऑक्टोबर रोजी अमरावती आणि नागपूर येथे भाजपने स्थानिक निवडणुकीसाठी विशेष आढावा बैठक घेतली. ही बैठक केवळ नियोजनापुरत्या मर्यादित राहिली नाही. तर ही पक्षांतराच्या मोठ्या नाट्याचा भाग बनली. नागपूरमधील बैठकीत भाजपचे माजी मंत्री आमदार डॉ. परिणय फुके यांच्यावर विश्वास ठेवत भंडाऱ्यातील शिंदे गटातील अनेक माजी नगरसेवकांनी भाजपच्या छत्रछायेखाली येण्याचा निर्णय घेतला. यामुळे शिंदे गटाची पायखाना खचल्याची चर्चा आहे. माजी नगरसेविका शमीमा शेख, माजी नगरसेवक राजू व्यास, अखिल शेख, अजीज शेख, अफसाना शकील शेख आणि निमिश डोकरीमारे यांनी भाजपमध्ये प्रवेश केला.
Voter Registration Drive : शंभर टक्के मतदार, शंभर टक्के मतदान
भाजपची जोरदार तयारी
पक्षांतरामुळे शिंदे गटाच्या पूर्व विदर्भातील ताकदीला मोठा धक्का बसला आहे. डॉ. परिणय फुके यांचा प्रभाव स्पष्टपणे दिसून येत आहे. त्यांच्या नेतृत्वावर विश्वास ठेवत अनेकांनी भाजपचा झेंडा हाती घेतला आहे. दोन दिवसांपूर्वीच शिंदे गटाचे युवा नेते जॅकी रावलानी यांनी देखील डॉ. परिणय फुके यांच्या विश्वासावर भाजपमध्ये प्रवेश केला होता. रावलानी हे शिंदे गटाचे ‘लकी चार्म’ मानले जात होते. त्यामुळे त्यांच्या पक्षांतराने शिंदे गटाला मोठा धक्का बसला. आता अवघ्या दोन दिवसांत भंडाऱ्यातीलच दुसऱ्या मोठ्या पक्षांतराने शिंदे गटाची अवस्था डळमळीत झाली आहे. या घडामोडींमुळे आगामी निवडणुकीत शिंदे गटाला पुन्हा सावरणे कठीण होणार आहे.
भाजपने मात्र या संधीचा पुरेपूर फायदा घेतला आहे. पक्षाने महानगरपालिका, जिल्हा परिषद, पंचायत समिती, नगरपरिषद आणि नगरपंचायत निवडणुकीसाठी जोरदार तयारी सुरू केली आहे. अमरावती येथे मुख्यमंत्री देवेंद्र फडणवीस यांच्या उपस्थितीत पश्चिम विदर्भ आणि शिक्षक मतदारसंघाची तयारी बैठक पार पडली. यावेळी कार्यकर्त्यांना मतदारसंघनिहाय नियोजन आणि संघटनात्मक बळकटीकरणासाठी मार्गदर्शन करण्यात आले. पक्षाध्यक्ष रवींद्र चव्हाण, महसूलमंत्री चंद्रशेखर बावनकुळे, जिल्हाध्यक्ष आशू गोंडाणे, प्रकाश बाळबुधे, रुबी चठ्ठा आणि संदीप मेश्राम यांच्यासह अनेक नेते या बैठकीत उपस्थित होते.
Bihar Election : प्रशांत किशोर यांनी फेकला उमेदवारीचा दुसरा डाव
