भंडारा जिल्ह्यामध्ये दिवसेंदिवस ‘कमळ’ फुलत चालले आहे. त्यामुळे भारतीय जनता पार्टीची ताकद वाढली आहे.
अशक्य असे काहीच नाही असे म्हटले जाते. राजकारणामध्ये तर अशक्य नावाचा शब्दच नसतो. अलीकडच्या काळामध्ये तर ‘भाजप है तो मुमकिन है’, असे समीकरण तयार झाले आहे. त्यातूनच भंडारा जिल्ह्यामध्ये माजी आमदार राजेश काशीवार यांनी ‘कमळ’ हाती घेतले आहे. भाजप नेते माजी मंत्री आमदार डॉ. परिणय फुके यांनी पुढाकार घेत काशीवार यांना भाजपवासी केले आहे. त्यामुळे भंडारा जिल्ह्यातील साकोलीमध्ये रामाच्या या पक्षाची ताकद दुपटीने वाढणार आहे.
माजी आमदार काशिवार हे साकोली मतदारसंघाशी संबंधित आहे. भंडारा जिल्ह्यातील साकोली हा परिसर काँग्रेसचे माजी प्रदेशाध्यक्ष आमदार नाना पटोले यांची ‘होमपीच’ आहे. या परिसरातून माजी आमदार राजेश काशीवार हे भारतीय जनता पार्टीत आल्याने काँग्रेसला मोठा धक्का बसणार आहे. आमदार डॉ. परिणय फुके यांनी आधीच भंडारा जिल्ह्यामध्ये काँग्रेसला खिळखिळे केले आहे. महायुतीमधील काही नेत्यांशी काँग्रेसने दगाफटका करण्याचा प्रयत्न केला. मात्र हा डाव आमदार परीने फुके यांनी काँग्रेसवरच उलटवला.
वृत्त खरे ठरले!!
भंडारा जिल्ह्यातील एक माजी आमदार भारतीय जनता पार्टीत येणार, हे वृत्त ‘द लोकहित लाईव्ह’ने ठामपणे प्रकाशित केले होते. आपल्या पत्नीसाठी माजी आमदार भाजपमध्ये प्रवेश करू शकतात, असे या वृत्तामध्ये नमूद होते. माजी आमदार राजेश काशीवार यांच्या भाजपा प्रवेशामुळे पुन्हा एकदा ‘द लोकहित लाईव्ह’ केवळ सत्य प्रकाशित करते, हे सिद्ध झाले आहे. ठोस पुरावा आणि ठोस माहिती असल्याशिवाय आजपर्यंत ‘द लोकहित लाईव्ह’ने कोणतेही निराधार वृत्त प्रकाशित केले नाही, ही ‘द लोकहित लाईव्ह’ची विश्वसनीयता आहे.
माजी आमदार राजेश काशीवार यांच्या पक्षप्रवेशामुळे आमदार डॉ. परिणय फुके यांना साकोली जिल्ह्यामध्ये महाविकास आघाडीला मोठा धक्का देणे शक्य होणार आहे. यापूर्वी काही व्यक्तींचे पक्षप्रवेश करून घेत आमदार फुके यांनी महाविकास आघाडीमध्ये भूकंप घडवून आणला. भंडारा आणि पवनी नगर परिषदेमधील भ्रष्टाचारही त्यांनी चव्हाट्यावर आणला. त्याचा परिणाम म्हणून भंडाऱ्याचे मुख्याधिकारी करण चव्हाण यांची तातडीने बदली करण्यात आली.
मुख्याधिकारी करण चव्हाण यांच्या विरोधात कारवाई होणार हे वृत्त देखील केवळ ‘द लोकहित लाईव्ह’ने प्रकाशित केले होते. ते वृत्त देखील खरे ठरले. त्यामुळे राजकारण आणि प्रशासनातील बातमी मागची बातमी वाचकांसमोर आणण्यामध्ये संपूर्ण महाराष्ट्रात ‘द लोकहित लाईव्ह’च सर्वात आघाडीवरील प्रसारमाध्यम ठरले आहे.
